VIDEO NO INTERIOR // Xosé Manuel Lema//
Hai quen non falta a súa cita diaria das 8 da tarde e sae ao balcón día a día, como enviando unha mensaxe de resistencia, e ao mesmo tempo dunha vitoria que chegará, pero os venres xa son especiais en Santa Comba.
E este 27 de marzo, moitos xalleiros volveron saír ás xanelas e balcóns, para aplaudir ao paso dos vehículos da Policía Local, de Protección Civil e doutros do concello, que percorreron as rúas, con paradas simbólicas, como a realizada nas inmediacións do Centro de Saúde da capital municipal.
Xunto ás cancións de Naiara (“Adiante“) e Juan Pardo(“ Xuntos”), que acompañaron o paso da comitiva municipal, tamén se escoitou o clásico “Cumpleaños Feliz”, para as nenas e nenos que estaban de aniversario.
Aplausos, ovacións, música, e tamén debuxos feitos polos máis pequenos ou roupas e bandeiras verdes, iluminaron de esperanza e emotividade a noite xalleira.O concello optou por iluminar de verde a casa do concello e a Casa do Pozo. Nunha xornada na que continuamos sumando iniciativas, como a do veciño Manuel Durán Gómez que quixo difundir unha copla adicada ao coronavirus.
Unha xornada máis e unha menos para vencer esta batalla na que a responsabilidade e a unión son as armas máis eficaces.
