O alcalde de Santa Comba, David Barbeira, anunciou a interposición dunha queixa na Subdirección Xeral de Información sobre Saúde e Epidemioloxía “pola falta de información relacionada cos casos positivos de Coronavirus Covid-19 neste concello”.
Barbeira tamén informou de que se solicitou á Subdelegación do Goberno “abastecemento de material sociosanitario para levar a cabo os servizos que se prestan desde o concello.
Desinfección de instalacións públicos
Desde a alcaldía tamén se informa que se está desenvolvendo a desinfección de instalacións públicas. Na vindeira semana contactarase coa consellería de Educación para levar a cabo a desinfección dos colexios.O luns, o concello de Santa Comba, ten previsto facilitar información sobre “posibles afectados” no municipio.
