Radio Xallas celebra este sábado, 21 de marzo, o Día Mundial da Poesía no complexo contexto actual que estamos vivindo.
Cinco poetas participan nesta iniciativa. A xalleira Regina Muñiz, o director de Adiante Galicia, Xosé Manuel Lema, e a coordinadora do Clube de Lectura Fácil da biblioteca xalleira Tania Yánez, recitan versos propios xunto co vate bergantiñán Óscar de Souto e coa escritora venezolana afincada en Lugo, Adolfina Mesa.
“Os versos poden ser ferramentas útiles para transmitir enerxía e facer compaña nesta datas tan complexas. Acreditamos no valor da palabra en momentos un tanto confusos, e queremos ceibar metáforas e sentimentos desde esta antena” aseguran desde a emisora pública xalleira, que aproveita para enviar unha mensaxe de ánimo a tódalas persoas.
Este recital poético nas ondas pode escoitarase as 14,00 e tamén as 19,00h no 107.5 FM, na web do concello de Santa Comba, na portada do noso xornal ou en app como Radiogarden.
