Os veciños de Grixoa de Esternande presentarán, con toda probabilidade, alegacións ao proxecto eólico “O Cerqueiral” que afecta aos concellos de Coristanco, Cabana e Santa Comba.
Entrevista a Xosé Abelenda desde o minuto 28
De feito,xa valoran a creación dunha plataforma e xa manteñen contactos cós afectados por proxectos eólicos de Castriz, Coristanco e Carballo.
“De que nos sirve un parque eólico se non gañamos nada. Hai unha agresión grandísima. Grixoa de Esternande quedaría totalmente rodeada. Queren facer de nós unha reserva india” manifestou o portavoz da entidade, Xosé Abelenda, en declaracións a Radio Xallas.
“Xa sufrimos as consecuencias do parque eólico de Fontesilva” sinalou Abelenda, que puxo como exemplo que no segundo semestre de 2019, a empresa facturou 2.274.000 millóns de euros, quedando de canon para os veciños uns 62.000 euros.
Desde Grixoa lamentan que estes parques eólicos “non crean postos de emprego” e sitúan aos veciños como “vítimas dunhas empresas que non da opción”.Alertan do “enorme” impacto visual e acústico que podería producir o proxecto de “O Cerqueiral”.
“ A idea á facer unha plataforma contra este parque eólico” indica Abelenda.
