A conselleira de infraestruturas e Mobilidade, Ethel Vázquez Mourelle, explicou en Cabana de Bergantiños unha nova actuación relacionada coa autovía da Costa da Morte.
Serán seis kilómetros de traxecto máis desde Santa Irena(Salto-Vimianzo) ata o enlace coa estrada de Camariñas, na parroquia, tamén vimiancesa, de Calo. O investimento ascende a 28,7 millóns de euros.O proxecto xa se encontra en exposición pública. Estará ata o 7 de abril.
18 estruturas e conexión do Polígono de Vimianzo
Trátase dunha vía de dous carrís “preparada para a súa conversión en autovía cando os tráficos o indiquen”. A actuación contempla a construción de 18 estruturas, viadutos, e pasos superiores e inferiores.Este novo treito da vía de altas prestacións da Costa da Morte terá un enlace ao Polígono de Vimianzo.
No acto desenvolvido no centro de control da autovía en Nantón-Cabana, estiveron presentes tamén o delegado territorial da Xunta, Ovidio Rodeiro, as alcaldesas de Camariñas e Vimianzo, Sandra Insua e Mónica Rodríguez, o de Cabana, José Muíño, e os portavoces do PP en Camariñas e Vimianzo, Mauro Aufiero e Raquel Rodríguez.