8.1 C
Santa Comba
miércoles, noviembre 30, 2022

Non haberá Camiño dos Faros 2020

A asociación Camiño dos Faros decidiu non organizar unha nova edición do Camiño dos Faros. Compartimos, na súa totalidade, o comunicado divulgado pola asociación.

Reunida a directiva da Asociación Camiño dos Faros decidimos non facer a edición 2020 do Camiño dos Faros.

O noso obxectivo foi sempre deixar un camiño para o futuro da Costa da Morte. Poderiamos ter moitos beneficios persoais con este camiño, mais o obxectivo só era consolidalo. Cremos que o obxectivo está plenamente cumprido, o camiño consolídase en toda a Europa sendeirista e miles de camiñantes de todo o mundo acoden percorrer toda esta Costa da Morte.

O único que falta é que as administracións consideren que é unha ruta de sendeirismo para mellorar a súa sinalización e mantelo limpo todo o ano. Mais parece que esto é imposible. Non porque non sexa unha ruta de sendeirismo, que o é, senón porque o fixemos tan ben que creamos un recurso do que todos (de fóra da comarca) queren aproveitarse. A ninguén lle interesa que catro amigos sen subvencións creen un recurso 100% sostible e altamente responsable coa Costa da Morte. Non é un bo exemplo neste mundo no que, coa escusa do turismo, malgástanse millóns e millóns de euros.

O tempo que se está perdendo en dar unha base sólida a este espectacular recurso non voltará e outros destinos de sendeirismo en Europa están a posicionarse perfectamente mentres os membros da asociación levan 7 anos facendo de políticos. Mentres as administracións presentan os seus proxectos en Fitur uns aos outros, a Rota Vicentina de Portugal, por poñer un exemplo, percorre as mellores feiras de sendeirismo en Europa nestes meses de inverno.

Por iso, cansos e aburridos de loitar sen avanzar, decidimos non facer a edición 2020. Sentímolo pola xente que nos quere e agradecemos enormemente todo o traballo dos voluntarios durante este tempo, pero non seguiremos facendo o parvo unha e outra vez.

Dende a asociación centraremos os nosos esforzos en seguir traballando para que a ruta quede como está e sexa desnaturalizada/corrompida o menos posible. Seguiremos loitando, con ou sen homologación, con ou sen axuda das Administracións, coma fixemos sempre.

Tamén sabemos que, grazas ao gran traballo de base feito e que estamos no 2020, na era de Internet, redes sociais e Wikiloc, isto non o pode parar ninguén.

Nós non imos facer a edición, pero iso non significa que ti non poidas seguir sendo trasno e gozar desta rota que está aberta e cunha cara nova os 365 días do ano. Ven coa túa asociación, familia ou amigos para percorrer esta aventura e así, entre todos, seguiremos mostrandolle ao mundo que esto é máis que un camiño.

Unha aperta
Asociación Camiño dos Faros

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
505SuscriptoresSuscribirte

Últimos artigos