Escoita a sección desde o minuto 57 deste audio
Radio Xallas estreou este xoves unha nova sección denominada “Ondas de Saúde”.Grazas á colaboración dos profesionais do Centro de Saúde de Santa Comba nace esta emisión quincenal, onde os ouvintes poderán formular as súas preguntas vía Whatsapp 693287749 ou por correo electrónico radioxallas@yahoo.es.
Labor de comunicación
Na primeira edición, a xefa de servizo do Centro de Saúde, Dolores López Fernández, falou dos servicios do centro médico xalleiro e da atención primaria que “no se centra en las enfermedades sino en las personas enfermas” co valor do medio “que en sí mismo es terapéutico”.
A doutora López presentou a nova sección que “pretende aclarar temas, resolver dudas y comunicar cualquier tipo de mensaje útil y necesario”.
Comezando pola gripe
E xa houbo mensaxes de interese. A coordinadora de enfermería María Rial informou sobre o inicio das vacinacións fronte o meningococo para persoas nadas entre 2001 e 2003.Xa se pode pedir cita nos centros médicos.
Por último, o doutor Francisco Ameijeiras, fixo unha detallada exposición sobre a gripe, as vacinas, os coidados, as diferenzas entre gripe e catarro, etc.
Sen dúbida unha estupenda iniciativa que realza o papel de servizo social de Radio Xallas, e demostran o compromiso dos profesionais sanitarios que participarán nesta sección radiofónica.