O secretario xeral de Compromiso por Galicia, Juan Carlos Piñeiro Docampo, aplaudiu o “esforzo que está facendo”, David Barbeira á fronte da alcaldía xalleira:“Está a facelo ben e ten a idea de transformar Santa Comba.
Piñeiro cualificou a Barbeira de “valiente, sincero e humilde” e aínda que entende que “non ten unha situación cómoda nin fácil” agarda que poida “ir poñendo sobre a mesa eses grandes proxectos que ten”.
Entrevista con Piñeiro desde o minuto 63
Tamén se referiu ao portavoz de Compromiso no concello da Baña, César Ramos, como “un traballador nato” e un home “claro” nas súas posicións.
“Ten sentimentos moi fortes pola Baña e é unha persoa seria” engadiu o líder galeguista que lamenta que neste concello “a posición do PSOE non foi a mesma”, actuando con “bastante demagoxia” e “con algunha saída de tono incluso de Gonzalo Caballero esixindo na Baña o que non cumpre noutros concellos”.Pensa que tanto Barbeira como Ramos “serán recompensados” polo seu traballo e a súa coherencia.
