O presidente da CMAT, Iago Toba, destacou a “presenza considerable” da Costa da Morte nun evento coma Fitur que é “un escaparate extraordinario” xa que “interconecta a todo o sector turístico mundial”.
”Temos unha gran materia prima en tódolos concellos da Costa da Morte e imos explotala con unión” manifesta Toba, salientando que a zona ten “propostas moi complementarias ente sí, cunha oferta completa para o visitante”.
Amosa o seu convencemento de que “a comarca está a converterse nunha gran industria turístico, pero hai que traballar porque todo ten a súa evolución”.
Entrevista a Iago Toba desde o minuto 32 deste audio
Intensa axenda de Iago Toba
O presidente da CMAT e alcalde de Muxía ten unha axenda apretada xa este mércores coa presentación na zona de Turespaña de varias propostas dos concellos de Cee, Vimianzo, Camariñas e Muxía, e tamén no espazo de Galicia na presentación propia do Turismo da Costa da Morte(CMAT).
E o xoves(14h) asistirá a un acto de Paradores, onde estará presente a ministra Reyes Maroto, e no que o Parador de Turismo de Muxía terá un importante protagonismo.
Antes do acto Paradores, concello e a asociación Muxía Natural asinarán un convenio de colaboración. Iago Toba declara que Paradores actuará coma un axente dinamizador do territorio e dos comercios da vila.
