O Partido Popular valora “o forte compromiso” da Xunta de Galicia coa Costa da Morte e concretamente co concello de Camariñas “como demostran os máis de 14 millóns de euros invertidos no sector pesqueiro” nesta última década.
Desde a formación liderada por Mauro Aufiero, lémbrase que se acaban de aprobar investimentos para a nova fábrica de xeo “tan necesaria para o sector do mar” e a reparación das instalacións da confraría.
Con respecto a vontade de cesión da lonxa vella por parte da Xunta pensan que é outra mostra máis deste “compromiso”. Os populares inciden en que neste asunto “ nunca houbo unha petición firme por parte do concello sobre este terreo, por iso houbo extrañeza por parte da Xunta sobre a petición que lle fixo o PSOE galego”.
De tódolos xeitos desde o PP local apoian a cesión dos terreos “ante a imposibilidade de traspasar a titularidade ó concello porque esa zona do peirao segue a ser utilizada para actividades pesqueiras”.
Estaremos encantados de colaborar con Concello para buscar unha finalidade que satisfaga os intereses de todos , como poderia ser a construcción de un Museo dos Naufraxios que permitise disfrutar do gran patrimonio que ten a nosa costa (por exemplo os canons do Castelo do Soberano) nun sitio privilexiado” apuntan desde o PP.
