O presidente da Deputación coruñesa, Valentín González Formoso e a alcaldesa de Vimianzo, Mónica Rodríguez, asinaron un novo convenio para o visitantes e a programación cultural vinculada ao Castelo soneirán e aos batáns de Mosquetín.
O concello seguirá ocupándose durante o ano 2020 do servizo de atención de visitantes, divulgación e organización de diversas actividades culturais nos dous senlleiros emprazamentos.
A Deputación destina 97.000 euros a este convenio, dos cales 80.000 serán para os servizos do castelo de Vimianzo e 17.000 para os batáns.
Deste xeito, a Deputación asume o salario do persoal encargado das visitas guiadas dos dous recintos, e colabora en actividades coma a Mostra de Artesanía en Vivo e outras.
Na sinatura do convenio tamén estivo presente o deputado de contratación, Xosé Lois Penas.
