10.3 C
Santa Comba
domingo, diciembre 4, 2022

Camariñas acolleu a primeira xornada de limpeza de Mar de Fábula neste 2020

Tres emblemáticos coídos de Camariñas foron obxecto dunha acción de limpeza organizada polo colectivo Mar de Fábula. Este é o balance que nós facía o presidente da asociación, Xosé Manuel Barros.

“O sábado 11 de xaneiro, durante máis de dúas horas, 30 persoas entre veciños de Camariñas( coa alcaldesa e membros da antiga corporación ) e 5 voluntarios vidos de fora, levaron adiante un descomunal traballo de esforzo físico e de valor ambiental, devolvendo ao seu estado de limpeza natural os coídos de Portocelo, o Pindo e os Boliños da Fortuna, tres recunchos da ribeira de Camariñas estreitamente vencellados á historia sentimental da vila.

O resultado da enorme colleita de lixo mariño que o mar devolveunos en bandexa nestos coídos, foi a seguinte:

Coído de Portocelo : 24 sacos grandes de 100 litros cheos de lixo plástico misceláneo máis uns 3 metros cúbicos de granel, incluíndo un enorme aparello de pesca perdido ao enganchar no fondo.

Coído do Pindo : 17 sacos grandes de 100 litros cheos de lixo plástico misceláneo máis uns 2 metros cúbicos de granel, incluíndo un neumático xigantesco inexplicablemente chegado á ribeira.

Coído dos Boliños da Fortuna : 13 sacos grandes cheos de lixo plástico misceláneo, incluíndo unha enorme cantidade de residuos de espuma de porexpan de todos os tamaños.

Na segunda fase do proceso da limpeza, o tractor do concello transportará ( polo menos dúas viaxes) este lixo mariño aos containers da granxa en Arou, onde nun longo proceso que levará o que resta de mes, Mar de Fábula procederá á súa identificación, cómputo e separación para reutilización e reciclaxe. O resultado publicarémolo ao remate do proceso.

Seguiremos adiante no proceso de limpeza do mar.

Nesta década que comeza agora, cada día conta»

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
509SuscriptoresSuscribirte

Últimos artigos