Os populares aseguran que a mellora da “Fonte do Picho” en Almozara-Fontecada era unha obra pendente do anterior goberno.
A placa da arranxada “Fonte do Picho” foi obxecto de críticas por parte do Partido Popular de Santa Comba, que explicaba que se trata dunha “obra pendente do anterior goberno e firmada polo alcalde en castellano”.
Aluden ao texto da placa:”Diciembre 2019. Obra realizada siendo alcalde David Barbeira García”. E neste aspecto, inciden na pertenza do rexedor a Compromiso por Galicia, e de ser “un home que presume de galeguista e pactan co Bloque, Bildu e ERC”. Desde o PP manifestan que “o único que fixo nestes seis meses é enfrentar ós veciños”.
Barbeira sobre o PP:”Están caendo moi baixo”
Para o alcalde de Santa Comba, os populares “están caendo moi baixo” con este tipo de publicacións nas redes sociais, e asegura que “é mentira” que se tratara dunha actuación pendente:”É unha obra que se levaba prometendo durante anos e que executei eu. Era unha cuestión de vontade política”.
Con respecto a autoría da placa, Barbeira manifesta que “foron os veciños os que puxeron esa placa e ainda que me parece esaxerado e foi unha sorpresa, agradézolle de todo corazón o seu detalle. E fareino sempre».
Publicación do PP en Facebook
