“Cheguei a un acordo de goberno co PSOE e en principio vou a ser alcalde dous anos”
Entrevista con David Barbeira a partir do minuto 92
A pesar das diferencias públicas e notorias, e dos enfrontamentos verbais nos plenos, o alcalde de Santa Comba asegurou en Radio Xallas que ten “un pacto de goberno e vou cumpri-la miña parte”.Barbeira confirma que “discrepamos en moitas cousas” e a existencia de “enganchóns”, pero avoga por “arranxar os problemas de portas para dentro”.
Ainda que recoñece que “pode pasar de todo” insistiu en que “vou a ser alcalde dous anos”,e avanzou que mentres “estea aquí” vai a manter a confianza no seu actual asesor, Suso Ares.
“Non estamos á altura dos nosos veciños”
Non ocultou a súa “preocupación” pola situación política do concello:”Estamos dando unha imaxe que o pobo non merece.Non estamos a altura dos nosos veciños. Eles esperan outra cousa, non os circos que hai nos plenos”.
Lamentou que nin tan sequera se poidera debater o seu Plan de Obras. Sobre o do PSOE, que foi aprobado, indicou que coincide en varias obras pero reitera que “unha partida de 631.000 euros en maquinaria non era realmente algo de primeira necesidade”, e sí, por exemplo a estrada de San Salvador e Grixoa de Esternande que ten “tramos destrozados”.
“Tentei chegar a un acordo co POS”
Con respecto a esta vía de comunicación negou que houbera problemas de dispoñibilidade de terreos nos treitos que figuraban no seu plan de obras, e anunciou que vai “tentar buscar os medios económicos para poder cumprir esa promesa que se tiña cos veciños. Non descarto que se poida arranxar, haberá buscar a financiación por outros lados”.
Sobre a falta de consenso, Barbeira manifesta que “sempre quixen dialogar, dentro dun respecto. Tentei chegar a un acordo co POS, a pesar de todas as infamias que se din”.
O PP non fixo os deberes co Polígono Industrial
Sobre a súa dinámica de traballo informou que seguía traballando no Centro de Día pero non quere adiantar nada ata que tela confirmacións.
Tamén está á espera de reunirse coa Xunta polo Polígono industrial. Neste tema lamentou que o anterior goberno do PP “non fixera os deberes” cando sabían que “había que facer un proxecto de plan sectorial”. É consciente que o aumento de solo é algo moi importante.
Sobre os investimentos da Xunta
Sobre as administracións, o alcalde reflexionou sobre o papel da Xunta nos últimos anos, sen grandes investimentos só “catro millóns de euros nun pedazo de estrada que non lle aporta nada a Santa Comba”.
Ademais Barbeira engadiu que “non hai un proxecto pechado para que a estrada chegue a Santiago, e non sei se teremos que esperar trinta anos”.Con respecto á Deputación declarou:”Da Deputación recibo o mesmo que recibían os gobernos do PP e do PSOE. Non inflúe quen sexa alcalde”.
