//X.M.L.//
O salón do Voluntariado de Muxía acolleu unha homenaxe ás persoas que fai case tres décadas conseguiron que se establecera o dispositivo de separación do tráfico marítimo de Fisterra.
No acto organizado, pola asociación española de titulados náutico pesqueiros (AETINAPE), o concello de Muxía e as confrarías de Muxía e Fisterra, estivo presente o que foi secretario xeral para os servizos do Transporte do goberno do estado, Manuel Panadero.
Recoñeceuse a labor tamén dos ex-patróns maiores de Fisterra (xa falecidos) Manuel Buján e Juan Domínguez do de Muxía, Carlos Barrientos e de patróns de cinco barcos arrastreiros e varios xornalistas.
Neste recoñecemento estivo presente o delegado do Goberno, Javier Losada, o xefe do centro de control de Tráfico e Salvamento de Fisterra, Manuel Capeáns, o presidente de AETINAPE, José Manuel Muñiz e o alcalde de Muxía, Iago Toba.
Javier Losada reiterou o compromiso do goberno coa seguridade no mar e lembrou que o dispositivo identificou en 2018 a un total de 36.345 buques. Despois a través da súa conta de twitter comentou que fora un día de «emocións» e » unha homenaxe aos que fixeron posible que a Costa da Morte pasara a ser Costa da Vida».