//X.M.L//
A presidenta de Turespaña, Isabel Oliver, entregará este luns(11,00h) as chaves do Parador de Turismo de Muxía ao máximo responsable de Paradores, Óscar López, nun acto no que tamén ten confirmada a súa presenza o delegado do Goberno Javier Losada e o alcalde muxián, Iago Toba.
O Parador de Turismo de Muxía abrirá as súas portas a vindeira Semana Santa. Unha vez rematadas as obras, agora está pendente a colocación do mobiliario e a decoración do recinto.
O Parador, ubicado en Lourido, ocupa un espazo de 15.000 metros cadrados. Contará con 63 habitacións, spa, salóns para eventos e unha piscina.Esta actuación foi anunciada no ano 2002, despois do accidente marítimo do Prestige.
Da dirección do complexo encargarase o fisterrán Julio Castro, ata o de agora director do Hostal dos Reis Católicos de Santiago de Compostela.