//Cristóbal Mourín//
“Estamos seguros de que imos volver a colocar o BNG onde se merece”. Son as palabras de Lorena Suárez Pazos; veciña da Piroga, profesora do instituto de Ponteceso e nova responsable do partido en Vimianzo.
Lorena Suárez afirma afrontar este reto “chea de ilusión, con gañas de comezar a traballar por Vimianzo”. Destaca que a asemblea local do BNG “non fixo máis que medrar”.Terá como vicerresponsable a Roberto Roget.
Vimianzo, un concello mellor
“Poremos todo o noso empeño niso e en contribuir a un concello mellor. Conto para iso coa axuda dos compañeiros e compañeiras da asemblea local, unha asemblea que non fixo mais que medrar desde que nos xuntamos para formar a lista das municipais, pero sobre todo coa colaboración de Roberto Roget que será vicerresponsable” afirmou Súárez.
O BNG non obtivo representación nas últimas eleccións pero foi sempre unha forza referente no concello, ata a marcha de Manuel Antelo Pazos e a creación de Adiante Vimianzo. Agora aspiran a recuperar protagonismo na política local. Lorena Suárez ocupou o segundo posto na candidatura dos últimos comicios.
