Escoita a entrevista con Sandra Vilela desde o minuto 71 deste audio
A portavoz municipal do Partido Popular de Muxía lamenta que a día de hoxe o concello non teña orzamentos aprobados:”Levamos desde 2017 cos orzamentos prorrogados e imos entrar no 2020 cos orzamentos tamén prorrogados” lamentou Sandra Vilela.
“Estamos esperando para ver que iniciativas vai levar a cabo, e cara onde vai o goberno, porque ata este momento non temos nada que valorar” engadiu Vilela, alertando que o concello de Muxía “está intervenido polo Ministerio de Economía porque incumprimos a regla de gasto”.
Unha consecuencia da falta dun orzamento, a pesar de qua tanto este como o anterior goberno do PSOE tiñan maioría absoluta, o que para o PP é algo “sorprendente”.
O PP demanda iniciativas turísticas ao goberno do PSOE
Sandra Vilela advirte que esta situación pode “traer moitos problemas aos muxiáns”, de feito “o ano pasado bloqueáronnos un millón e pico de euros e esta non é a mellor forma de gobernar”.
Nunha entrevista no programa radiofónica “Na Encrucillada”, Vilela tamén se referiu a súa moción para a posta en valor da Pedra de Abalar e da súa contorna.
Empraza ao executivo que preside Iago Toba a “empezar a dar feitos, porque de momento non houbo nin unha soa iniciativa para o turismo e hai que empezar a traballar e dar servizos e calidade turística desde a administración” para corresponder a labor desenvolvida polo sector privado.Os populares insisten na necesidade de contar cunha oficina de turismo con carácter permanente.