“Os Bolechas van a Santa Comba. A igualdade entre nenas e nenos” é o título dunha nova guía realizada polo creador Pepe Carreiro, e editada por Edicións Bolanda.
A historia comeza protagonizada por Catalina que a través de Radio Xallas fai un chamamento as nenas e nenos, para que veñan a Santa Comba a falar de cousas importantes.
Nesta publicación faise referencia a Fervenza de Castriz, a ermida de Santa Catalina, a de San Bartolomeu, a Radio Xallas, Casa do Pozo, a rotonda da Santa, IES Terra de Xallas, Casa do concello, xardíns da rúa Miraflores, ao complexo deportivo de Fontenla e a praia fluvial de Esmorode.
A guía foi repartida polo concello de Santa Comba nos centros escolares e publicouse co apoio da Secretaria da Igualdade da Xunta de Galicia e o Ministerio da Presidencia do goberno do Estado. Con anterioridade Os Bolechas xa protagonizaron outra publicación relacionada con Santa Comba.