O alcalde de Santa Comba, David Barbeira García, presentoulle ao Vicepresidente da Deputación coruñesa, Xosé Regueira, o anteproxecto da iniciativa turística e medioambiental “Senda do Xallas”.
A proposta pretende acondicionar e facer transitables as beiras do río Xallas nun traxecto de máis de 64 kilómetros, cun “sendeiro visitable, con paneis informativos e interpretativos”.
O alcalde destaca a “predisposición” de Xosé Regueira
Barbeira destacou a «predisposición inmensamente positiva do ente provincial a un proxecto supramunicipal destas características».O rexedor xalleiro acudiu acompañado polo alcalde de Mazaricos, Juan Blanco.
Desde o concello de Santa Comba aseguran que ante a “positiva predisposición” da Deputación agárdase “sumar máis concellos para abarcar a totalidade do histórico río e facer un proxecto supramunicipal que a medio prazo vertebre varias comarcas do territorio da provincia da Coruña, con finalidades turísticas e medioambientais”.
