9.7 C
Santa Comba
sábado, diciembre 3, 2022

Comunicado da candidata Montse Almozara

Comunicado da candidata Montse Almozara

Debemos examinar a conciencia a necesidade que ten a nosa terra de ter uns representantes de seu nas cámaras, que non teñan que votar coa conciencia do partido senón actuar e votar pensando sempre no ben de Galicia.

No último debate politico que se televisou puidemos ver como os dirixentes do PP, PSOE, Ciudadanos, Podemos e Vox se esquecen da nosa terra e non teñen un proxecto no que se nos teña en conta.

Temos que recordar novamente o abuso que se está facendo do noso pobo, somos a comunidade que máis enerxía eléctrica xenera no estado e non obtemos ningún tipo de beneficio, mais ben todo o contrario, pagamos a luz máis cara, seguen prometéndonos o AVE que nunca chega, estáfannos coas peaxes, non defenden o emprego nin a industria galega.

Síntome realmente preocupada porque a xente que está cansa de determinados partidos, algúns poden deixarse levar por novas marcas como VOX, cun proxecto que propón a eliminación de liberdades, eliminación do noso Parlamento, da nosa língua e de todo o que nos identifica como galegos/as.

A miña ideoloxía política é a de traballar pola terra, son galeguista porque levo Galicia sempre conmigo, son Europeista porque non entendo a politica actual sen ter un contacto directo coa política europea, eu son de Compromiso por Galicia.  Nesta ocasión tanto eu coma o resto do meu partido entendemos que si o voto galego se divide nunca se chegará a ter voz no estado, por iso demos un paso ó frente e chegamos ao acordo de concurrir en conxunto co BNG, porque máis aló das nosas diferenzas os 2 partidos temos como bandeira a defensa dos intereses da nosa terra.

Somos un pobo de orgullo, fachendoso do noso e sen embargo vendémonos ás forzas de fóra escoitando promesas e mentiras campaña tras campaña. É o momento de abrir o ollos de ver que ninguén de fóra vai mirar polo noso, que necesitamos estar os galegos e galegas físicamente onde se toman as decisións porque a nosa xente non engana, porque un galego ten palabra e traballa.

Este 10-N temos que poñer a voz de Galicia en Madrid e para iso temos que votar maioritariamente e en conciencia ó único partido verdadeiramente galego, este domingo vota BNG.

Montse Almozara

Candidata ao Congreso pola provincia da Coruña

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
507SuscriptoresSuscribirte

Últimos artigos