7.5 C
Santa Comba
martes, diciembre 6, 2022

Ana Pontón pide o voto das persoas defraudadas con Podemos e co PSOE

// Xosé Manuel Lema// Ana Pontón asegura en Carballo que “non imos fallar”. 

A portavoz nacional do BNG fixo un chamamento á mobilización no mitin celebrado en Carballo. Dixo entender que haxa xente “defraudada” porque “O PSOE e Podemos xogaron co seu voto” pero solicitou transformar ese descontento “nalgo positivo para que Galiza teña unha oportunidade”, votando ao BNG “porque non lle imos fallar”.

Ana Pontón tamén apelou á xente que apoia ao BNG nas eleccións municipais en Carballo, onde os nacionalistas gobernan con maioría absoluta, “cun proxecto que permite avanzar”. Deixou claro que “non hai un BNG en Carballo e outro nacional” e pediu confianza no Bloque “porque imos defender o mellor para Galiza e para Carballo”.

Disputando un deputado con Vox

Neste acto tamén participou o candidato Nestor Rego, que falou das posibilidades certeiras de que o BNG acade representación:»Sabemos que o BNG está a disputar directamente o deputado con VOX. Por iso é necesario concentrar todo o voto en chave galega e tamén todo o voto democrático e antifascista no BNG, para conseguirmos o obxectivo de dar voz ao noso País e de parar xa, aquí e agora, esa dereita carca e antigalega que padecemos, que quere que retrocedamos en dereitos e liberdades, que ataca a nosa lingua e nos nega como pobo».

No mitin de Carballo tamén interviron os candidatos Xoán Sande e Belén Lendoiro e o alcalde de Carballo, Evencio Ferrero que afirmou:»Se somos quen de transformar os concellos nos que gobernamos tamén seremos quen de mellorar este país».

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
509SuscriptoresSuscribirte

Últimos artigos