O BNG de Camariñas denuncia a “deixadez” da Xunta de Galicia con respecto a situación “lamentable” do local onde se ubica a confraría de pescadores de Camariñas.
“A cuberta que xa se advertiu que se atopaba en mal estado non foi quen de aturar a choiva e as pingueiras pasaron a ser auténticos ríos de auga” confirman os nacionalistas, que denuncian a inacción de Portos de Galicia para “ arranxar unha instalación da súa propiedade facendo que as traballadoras e traballadoras que utilizan esta infraestrutura o fagan en condicións precarias”.
Pero desde o BNG tamén verten críticas sobre o goberno socialista de Camariñas que “non é quen de poñerlle cara a Xunta en ningunha das reivindicacións que vimos denunciando e en ningunha das problemáticas que vimos padecendo as veciñas e veciños do noso concello”
