Advirte que se o Partido Popular non cambia a súa postura “as regras de xogo variarán”.
Entrevista a Amancio Lavandeira, a partir do minuto 14.
O portavoz de Terra Galega en Coristanco, destacou nestes primeiros meses de goberno, o papel da oposición no concello: “As actividades pasan pola aprobación ou polas iniciativas que ten a oposición”.
Puxo como exemplo “a baixada dos impostos, unha iniciativa de Terra Galega” ante a que o alcalde Juan Carlos García “non tivo máis remedio que sumarse á iniciativa”.
Copiar iniciativas da oposición
Para Lavandeira ese “total apoio da oposición” choca coa actitude do goberno do Partido Popular:”Non é moi ético que nos queira modificar propostas sen haber falado co grupo que as presentou. Entendemos que as formas que tivo o goberno do PP non foron as correctas, ao querer apropiarse das iniciativas de Tega sen falar connosco, facendo un plaxio”.
Sinala que a vontade de Terra Galega é dar unha “marxe de confianza”, pero advirte que se o Partido Popular non cambia a súa postura “as regras de xogo variarán”.
Prioridades en Coristanco
Non percibe “méritos reais” do goberno ata o de agora.”Nós botamos en falta esa colaboración da oposición cando gobernábamos en minoría”. Amancio Lavandeira pensa que as prioridades do concello de Coristanco deben ser o urbanismo, saneamentos, infraestruturas, e licitar os servizos de limpeza, auga e suministros.
