Escoita a entrevista con Lois García a partir do minuto 30 deste audio
O alcalde de Ponteceso, Lois García Carballido, opina que son “os veciños os que valoran o que fai cada un”, pero asegura que o goberno local traballou en distintas frontes na chamada “Crise da auga” de Corme.
Medidas rápidas do concello de Ponteceso
“Actuamos desde o primeiro momento co reparto de agua embotellada, durante doce días, nunha actuación rápida e recuperamos a potabilidade da auga coa empresa concesionaria” dixo o alcalde.
Tamén destacou a contratación de dúas empresas “para achar a causa da falta de potabilidade da auga” e anunciou que “imos facer os investimentos que non fixo o Partido Popular durante 22 anos”.
Unha tubería de máis de 50 anos
Lembrou que a situación da auga chegou “despois de tres roturas consecutivas da tubería de acceso”, que ten más de medio século de antiguedade:”O PP deixou unha débeda espantosa en Ponteceso pero non cambiou a tubería, pero nós imos cambiar a tubería”.
O PP “coma un pato mareado”
Lois García pensa que o PP “quere facerse grande con este tema, porque nas eleccións quedaron moi mal. Dimitiron seis persoas do equipo e puxeron a unha persoa na xestora local sen o seu consentimento. Andan coma un pato mareado”.
Con respecto a APIN, o partido que lidera José Manuel Pose Verdes, lembrou que “ata fai catro meses era o concelleiro que levaba a auga a as infraestruturas, polo que debería ser máis prudente nas súas declaracións”.
