O alcalde de Santa Comba, David Barbeira, pronunciouse en Radio Xallas sobre as informacións xurdidas en referencia a un proxecto mineiro na parroquia de Castriz.
“Son só catas para ver a cantidade que hai de cobre, cobalto e níquel pero de aí a que haxa uhnha mina hai un mundo por diante e moito que falar. A última palabra tena o concello” precisou o rexedor.
Barbeira tivo a oportunidade de transmitir o seu malestar aos representantes da empresa “por non comunicarnos nada” pero insistiu en que ¨”están realizando mostras de terra en fincas privadas”.
Valorar os pasos a dar se hai novidades
O mandatario xalleiro enviou unha mensaxe de tranquilidade aos veciños de Castriz e da contorna.”Se isto segue adiante, teremos que ter reunións cos veciños e valorar os pasos a dar”. Tamén informou que “van a estar sobre un mes facendo sondeos e de momento non hai nada máis”.
Volverá a haber unha xuntanza entre alcalde e empresa. “Preocúpanme máis o dos parques eólicos”. Barbeira agarda reunirse cos responsables de Greenalia “para negociar unha ubicación que non estorbe a ninguén”.Lembrou o posicionamento do goberno local:”Non imos permitir que se coloque un aeroxerador” na contorna da Fervenza de Castriz.