//Xosé Manuel Lema//
A entrevista de Daniel García a partir do minuto 1:03:00 deste audio
Daniel García Cotelo exerce como portavoz do Partido Popular de Ponteceso e tamén como presidente da xunta xestora. Colle as rendas do partido nun momento complicado pero afirma ter ilusión diante “dun reto bonito”.
Baixada de impostos e Lei de incendios
Explica que a xunta xestora “é un mecanismo para dirixir o PP pero tamén están os afiliados que son moitos no concello de Ponteceso”.
Sobre o arranque de lexislatura de Lois García fai o seguinte resumo:”Un pleno para poñerse un soldo de 50.000 euros, o segundo pleno sen asistir e no terceiro proposto pola oposición non queren falar nin da baixada de impostos nin do cumprimento da lei de incendios forestais”.
“Imos coñecer ao señor alcalde”
García Cotelo remata a súa valoración con esta conclusión:”Cando son máis importante unhas festas que o coidado dos nosos maiores, xa non podemos esperar nada. É máis importante un concelleiro para montar festas que para levar os servicios”.
O portavoz popular pensa que nesta lexislatura “imos coñecer ao señor alcalde” xa que no anterior mandato, ao ser un goberno tripartido “controlábanse entre eles”. Recoñece que o mandatario “ten a maioría absoluta pero que non diga que é o mais demócrata nin conciliador porque non é asi”.
