10.3 C
Santa Comba
domingo, diciembre 4, 2022

Mónica Rodríguez:”Todo o que sexa bo para Vimianzo contará co noso apoio”

//Xosé Manuel Lema// Audio coa entrevista a partir do minuto 70.

Despois de varios anos na oposición, Mónica Rodríguez, afronta un mandato como alcaldesa, con ilusión e ánimo de desenvolver un “traballo intenso”. 

A rexedora socialista asegura que hai “moitas cousas que necesitan que se activen e tamén temos que desbloquear moitos trámites que estaban paralizados”.

En tres meses pretendeuse facer o que non se fixo nos catro anos”

Insiste en que a situación económica do concello non coincide coas valoracións feitas por Adiante Vimianzo:”En tres meses pretendeuse facer o que non se fixo nos catro anos”. Indica que nas partidas hai “diñeiro con nomes e apelidos que teñen unha preasignación”.

Mónica Rodríguez ten claro que “se non chegamos a facer unha modificación de crédito de 623.000 euros non poderíamos atender necesidades urxentes e tapar buratos do goberno anterior”. E convida aos veciños a ver as contas no propio concello.

Nunha entrevista no programa radiofónico “Na Encrucillada”, Rodríguez destacou que co cambio de goberno “o urbanismo volveu á normalidade, e o técnico non está na Coruña, está nas oficinas do concello”.

Os concelleiros do PSOE o día da toma de posesión

Polígono industrial e Centro de Atención Temperá

Un dos grandes retos é a dinamización do Polígono Industrial. Xa se recibiu á responsable de SEA, Beatriz Sestayo, e o 28 de outubro haberá unha xuntanza con empresarios na capital de Soneira.

A posta en marcha do servizo “Madrugadores”, as actuación no Castro das Barreiras ou o Centro de Atención Temperá xunto con Muxía e Camariñas, son outros temas nos que se está traballando.

Outra prioridade é a atención parroquial e cumprir coas demandas que chegan ao consistorio desde as zonas rurais. Desde a súa condición de goberno en minoría, desde o PSOE ofrécese diálogo á oposición “polo ben de Vimianzo”, se ben se recoñece que as conversas con Adiante Vimianzo do exalcalde Manuel Antelo son “complexas”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
509SuscriptoresSuscribirte

Últimos artigos