Xoves 29 de agosto. 11 da mañá. Casa da Cultura da Picota.
A Casa da Cultura da Picota, no concello de Mazaricos, acolle este xoves, ás 11 da mañá, unha xornada informativa dirixida á veciñanza da comarca afectada polos parques eólicos, organizada polo Observatorio Eólico de Galicia e o concello de Mazaricos.
Esta actividade xurde como consecuencia da xuntanza entre o alcalde Juan Blanco e membros do Observatorio, entre eles o Doutor en Economía, Xavier Simón, que amosou o interese da entidade en colaborar co concello de Mazaricos porque “non sempre os concellos se poñen de parte da veciñanza”.
Desde o OEGA preparan un evento a nivel europeo sobre enerxía eólica, que se desenvolverá en Mazaricos, un municipio onde o seu alcalde, Juan Blanco, insiste na “indefensión” dos veciños “que non queren un eólico a 500 metros da casa polo que llevan a pagar unha esmola”
