O presidente da Xunta, Alberto Núñez Feijóo, deu conta da declaración de Ben de Interese Cultural (BIC) para o Arquivo Vidal, situado no Museo do Mar de Laxe. Así se acordo no Consello da Xunta.
A Xunta acorda establecer medidas para a súa salvagarda e valorización “xa que constitúe un testemuño gráfico e documental de moito interese” coas instantáneas feitas por Plácido Vidal Díaz e José María Vidal García.
Integrado como fondo singular no arquivo municipal de Laxe, está formado por 43.475 fotografías en soporte plástico, 5886 fotografías en vidro e 10.306 en papel, o que supón un total de 59.667 fotografías.
.jpg)
Información da Xunta
Segundo a Xunta “O decreto implica a súa máxima salvagarda e tutela, polo que a súa utilización quedará subordinada a que non se poñan en perigo os valores que aconsellan a súa protección. Neste sentido, permitirase o acceso ao persoal habilitado para a función inspectora, ao persoal investigador acreditado pola Administración e ao persoal técnico designado pola Administración autonómica para a realización dos informes necesarios para a súa conservación; e establecerase un réxime de visita para o público de, polo menos, catro días ao mes”.
