3.6 C
Santa Comba
domingo, diciembre 4, 2022

Festa das Cereixas con Luar na Lubre e El Combo Dominicano

A Feira das Cereixas está declarada de interese turístico. As celebracións serán do venres 5 ao domingo 7 de xullo

A celebración gastronómica de maior relevancia e tradición do Concello da Laracha, a Festa das Cereixas de Paiosaco, celebrarase durante a próxima fin de semana. O Concello da Laracha –co alcalde, José Manuel López Varela, e os concelleiros Patricia Bello e Ramiro Bello- e a Comisión de Festas de Paiosaco presentaron hoxe o programa nun acto celebrado no campo da feira. O cartel inclúe destacadas novidades e moitos eventos cos que se dará un impulso ás celebracións que contan co distintivo de Festas de Interese Turístico de Galicia.

A primeira gran novidade será a duración xa que neste ano serán tres días de celebracións comezando o venres día 5 de xullo cunha verbena amenizada polo Combo Dominicano.

Na xornada do sábado haberá sesión vermú e  verbena nocturna coa actuación do Grupo Limón. Pola tarde o público infantil e familiar poderá disfrutar do espectáculo dos Bolechas, que estarán desde as 19:30 horas no centro sociocultural da Porta Santa e que se realizará coa colaboración da Rede de Dinamización Lingüística. Tamén se celebrará a partir das 16:00 horas a cuarta edición do Aberto de Billarda das Cereixas baixo a organización da Asociación Cultura-Deportiva A Billarda de Toxo.

Xa o domingo, durante a habitual xornada de feira haberá un posto informativo do Concello da Laracha no que se ofrecerá material turístico e unha food truck que distribuirá diversas elaboracións feitas con cereixas como ingrediente principal. A partir do mediodía contarase coa charanga Os Kilomberos de Monte Alto. A sesión vermú será desde as 14:00 horas. 

Ás 20:00 horas principiará o espectáculo de música e baile tradicionais galegos a cargo da Asociación Cultural Queiroga e, pola noite, o espectacular fin de festa será coas actuacións de Dequenvessendo e Luar na Lubre. O broche porase a media noite cunha sesión de fogos artificiaisAo tratarse dunha Festa de Interese Turístico de Galicia, colaboran na organización a Xunta de Galicia, a Deputación Provincial da Coruña e Abanca.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
509SuscriptoresSuscribirte

Últimos artigos