Valoración do BNG de Santa Comba con respecto ás eleccións do 26M.
Valoración dos resultados do 26M.
O BNG de Santa Comba califica os resultados electorais propios nas eleccións de Santa Comba como malos. Analisando máis polo miúdo, destacaríamos como factores determinantes os seguintes :
-A ausencia de traballo social previo, como causa principal do escaso 3% de apoios recibidos.
-A presentación de un novo candidato, q malia estar sobradamente preparado para encabezar a lista, acusou o descoñecemento que da súa persona tiñan os cidadáns do concello. Esto vai íntimamente ligado ao factor primeiramente destacado.
-A polarización da cita electoral por parte de PP-PSOE nun clima de guerra aberta, na que non soubemos posicionarnos como alternativa.
-A irrupción dun novo partido, que con esquemas similares aos do PP, arrastrou ao voto descontento, e que non fomos quen de enmarcar como sucedáneo doutras alternativas das que en citas previas quedou probada a súa futilidade, ao igual que a súa falla de palabra para cos xalleiros.
Perante os resultados xerais debemos lamentar o fortalecemento do PP grazas a un PSOE de Santa Comba en descomposición, debido a perda de credibilidade e apoios de Ucha, aínda cando María Pose carece de todo carisma para exercer liderazgo de ningún tipo. Esto foi rendibilizado por CxSC, para amosarse como alternativa aínda cando non é tal.
Debemos ter en conta tamén que esta análise é provisional, pendente das resolucións definitivas, que probablemente non dean estabilidade á gobernabilidade do concello, e que veremos en qué remata, tanto na investidura como ao longo da lexislatura.
Como lectura positiva debemos destacar a fidelidade dunha base de apoios constantes ao ideario nacionalista e de esquerdas que representa o BNG e incluso o lixeiro aumento de votos, froito dunha traballada campaña, e sobor de todo o achegamento de novos simpatizantes que veñen a afortalar a Asemblea Local do BNG, acadando incluso novos militantes na organización.
Esto debe servirnos e este será o propósito, para traballar con regular constancia, aínda fóra do salón de plenos, durante os vindeiros anos coma unha oposición real, defensora da cidadanía de Santa Comba. Así acadaremos a necesária visibilidade da organización para afrontar a vindeira cita electoral coma alternativa verdadeira e honesta fronte á parálise que pola ineficacia e mal facer dos sucesivos gobernos, envolve este concello.
