A candidata do PP asegura que “estamos en reflexión”//
.jpg)
Se algo lle recriminou durante esta lexislatura a oposición ao goberno de Manuel Antelo Pazos foi a falta de diálogo e o seu carácter ditatorial. Despois de perder as eleccións, cun retroceso de tres concelleiros e 927 votos, o líder de Adiante Vimianzo recoñece que non agardaba “este desgaste” aínda que tiña percibido “algún ruído”.
En declaracións a Radio Nordés-Cadena Ser e cando lle falaron dun posible pacto co PP dixo:”Nós dialogamos con o todo mundo, somos unha forza local, e non temos ningún tipo de alianza condicionada”.
Antelo Pazos lembrou que se abre “un escenario onde ten que existir diálogo” e que “o panorama está aberto” e “tódalas posibilidades abertas” polo que non quería “descartar nin avanzar nada”.
Na mesma emisora, a portavoz dos populares Raquel Rodríguez evitou pronunciarse sobre esta posibilidade, asegurando que o seu partido estaba “en reflexión”.
Pola súa banda a candidata ganadora, Mónica Rodríguez, reivindicou o seu dereito a gobernar como forza máis votada. Isto parece que será o desenlace máis lóxico deste proceso, tendo en conta as diferenzas políticas e as controversias existentes entre Adiante Vimianzo e o Partido Popular.Neste comicios o PSOE obtivo 6 concelleiros, Adiante Vimianzo 5 e o Partido Popular 2.
Foto- Facebook- Adiante Vimianzo
