A candidata popular non renuncia á vitoria nas eleccións do domingo.
Raquel Rodríguez volve a encabezar a candidatura do Partido Popular, pero desde entón parece que cambiaron moito as cousas. Colleu o partido nunha situación complicada e case sen tempo de preparar a campaña. Agora aspira “a ganar”, con catro anos de experiencia e un equipo renovado.
“Foron catro anos perdidos. En Vimianzo non se fixo absolutamente nada. Está todo abandonado. O alcalde(Manuel Antelo) non cumpriu as promesas que fixo”.
Abandono dos servizos básicos por parte do goberno
Raquel Rodríguez considera prioritario adoptar medidas para a creación de emprego, promover unha baixada de impostos pero non oculta que hai algo moi urxente:”Hai que atender os servizos básicos nas parroquias, a limpeza de pistas, pavimentacións, contenedores e mellorar os accesos”.
Para Rodríguez Amigo sopran aire de cambio en Vimianzo:”A xente pide un cambio e penso que o PP é a alternativa”. Avoga por un concello que “teña as portas abertas e que escoite aos veciños” frente un goberno de Adiante Vimianzo onde “nin entre eles foron capaces de entenderse”.
A candidata popular pide “unha oportunidade de demostrar que somos capaces de realizar unha xestion adecuada e situar a Vimianzo á cabeza da comarca”.
