José Manuel Pequeño Castro destaca a súa capacidade e está convencido de que Mónica Rodríguez será a vindeira alcaldesa de Vimianzo. Considera que en concellos como Vimianzo ou Cee (onde agarda tamén uns excelentes resultados) hai «unha parálise total».
O candidato á alcaldía de Dumbría e presidente provincial do Partido Socialista augura un importante éxito electoral o domingo nas urnas de Soneira, Fisterra e Xallas. Sobre a política comarcal falou nunha entrevista a Xosé Manuel Lema nos estudios de Radio Xallas, que se emitirá este mércores ás 12 do mediodía. Tamén fixo balance da lexislatura e dos retos de futuro no concello de Dumbría.
«Na Encrucillada» pode escoitarse no 107.5 da fm, a través das webs www.santacomba.es, www.adiantegalicia.es e da aplicación Radiogarden.
