Comunicado da Asociación Costavales en relación ao último pleno do concello de Santa Comba
Desde a asociación de empresarios de Santa Comba remítennos o seguinte comunicado co rogo de que se publique o texto íntegro.
En relación ao Pleno Extraordinario celebrado o pasado 30 de abril e concretamente ao punto referido a aprobación de dúas subvencions nominativas, a Asociación Costavales quere ACLARAR:
• Que o Concello de Santa Comba concede no exercicio 2018 unha Subvención Nominativa á Asociación Costavales por importe de 2.000 euros para a promoción do comercio; máis concretamente para a Feira da Primavera.
• Que dita subvención foi xustificada en prazo con data de rexistro do 12/11/2018, a través da Sede Electrónica. • Que ata o día de hoxe, non se recibiu notificación algunha para subsanar deficiencias ou aportar documentación adicional que non fora incluida inicialmente na xustificación.
• Que é obriga das administracións notificar as deficiencias de calquera expediente e conceder un prazo para subsanar ditas deficiencias ao solicitante.
• Polo que consideramos que o retraso no pagamento de dita subvención non se debería a deficiencias no proceso de xustificación nin a entrega de documentación fóra de prazo por parte da nosa entidade. Deberase máis ben a un erro do Concello como o acontecido no exercicio 2014 cunha subvención concedida á Asociación de Empresarios por importe de 5.000 Euros, tramitada e xustificada en prazo e cobrada 3 anos despóis. Polo que respecta o obxecto da subvención e dado que apreciamos unha total desinformación en relación ás actividades que levan a cabo tanto a Asociación Costavales como a Asociación de Empresarios, debemos
ACLARAR:
• A Asociación Costavales créase no ano 2014, promovida pola Asociación de Empresarios, co obxectivo de por en marcha un proxecto baseado nas moedas sociais complementarias que están a funcionar noutros paises e noutras Comunidades Autónomas.
• O proxecto “Dinamización e impulso da economía local a través da Aplicación Móbil para o uso dos Costavales” foi presentado no Agader a travé do GDR 19 – Terras de Compostela – co obxectivo de impulsar a economía local achegando o uso das novas tecnoloxías. O GDR 19 adxudicou a puntuación máxima a este proxecto e foi cofinanciado polo FEADER .
• A Asociación Costavales retoma dende o 2016 a organización da Feira da Primavera , que ata ese momento corría a cargo da Asociación de Empresarios de Santa Comba, e ámbalas dúas entidades colaboran conxuntamente na promoción de actividades que impulsen a economía local. Dende o ano pasado organizamos tamén a Feira de Outono.
• Que a colaboración do Concello na Feira de Primavera e de Outono limítase a cesión do Recinto Feiral e a publicidade do evento, non realizanado tarefas de xestión nin de organización.
