O candidato do Partido Popular á alcaldía de Coristanco, Juan Carlos García Pose, mantivo unha xuntanza de traballo co Conselleiro de Cultura e Turismo, Román Rodríguez, ao que lle plantexou as súas demandas fundamentais en materia de cultura e turismo.Entre elas está a solicitude da declaración de Festa de Interese Turístico para a Festa da Pataca «un evento moi arraigado ao que lle daremos un revulsivo».
Juan García explicoulle ao conselleiro o seu Plan de potenciación dos recursos turísticos do concello de Coristanco(Verdes, Alcaián, Fonte Coba, Batáns, A Rocheira, etc.). Este proxecto contempla a mellora das infraestruturas, señalización, limpeza, rehabilitación e recuperación das áreas abandonadas, mediante un convenio a tres bandas entre o Concello, Conselleira de Cultura – Turismo e Agader.
Nesta xuntanza tamén se falou da necesidade de ampliar a oferta cultural para tódolos públicos no municipio, e un programa de axudas para actividades Culturais, musicais, Cabalgatas de Reis, festas parroquiales e AMPAs.
O equipo do PP de Coristanco tamén pretende traballar para que Coristanco conte cun auditorio municipal.»Nós non queremos facer brindis o sol. O noso programa contempla medidas reais e factibles e que contan co apoio da administración» declarou Juan García que se mostrou «moi satisfeito» pola receptividade do conselleiro de Cultura e Turismo que amosou a súa disposición a colaborar coas iniciativas que se plantexen desde Coristanco.