José Manuel Lage Tuñas falou “Na Encrucillada” de Radio Xallas. A partir del minuto 25 del audio
O secretario de organización provincial do PSdeG cualificou de “moi bo resultado” o que se acadou o pasado domingo 28 de abril, e “unha noticia extraordinaria volver a ser a primeira forza na provincia desde 1989”.
José Manuel Lage recoñece que cada cita é distinta pero representa “unha primeira pedra para as próximas municipais” e “un bo termómetro que pode ser de moita axuda para os candidatos e candidatas do PSOE”.
Magnífico candidato en Mazaricos
Referiuse ao concello de Mazaricos, onde “aspiramos a ter moi bos resultados” cunha “candidatura renovada e un magnífico candidato como Javier González Trillo” do que destacou “un actitude aberta e dialogante e un coñecemento do municipio”.De tódolos xeitos recordou que “a día de hoxe non temos ningún concelleiro” polo que o prioritario é obter representación.
Con respecto á Costa da Morte, Lage Tuñas confía na continuidade dos alcaldes de Fisterra, Dumbría, Camariñas, Corcubión e Dumbría, e que en Muxía o candidato Iago Toba renove a maioría absoluta que ten Félix Porto.Tamén tivo unha referencia para “o alcalde de alcaldes”, José Manuel Pequeño Castro, presidente provincial do PSOE e que leva gobernando Dumbría desde 1987.
Boas expectativas en Cee e Vimianzo
Lage incidiu nas “moitas expectativas” que ten o partido en Cee polo traballo desenvolvido pola candidata Margarita Lamela “fiscalizando o traballo do goberno desde a oposición”.
Outro municipio onde os socialistas agardan uns excelentes resultados é no concello de Vimianzo, onde se reunificou o partido e se postula a Mónica Rodríguez “que pode facer un magnífico papel como alcaldesa de Vimianzo”.