O candidato do Partido Popular á alcaldía de Coristanco, Juan Carlos García Pose, mantivo un encontro de traballo coa Conselleira de Política Social, Fabiola García, para tratar de distintas cuestións que desde o PP local consideran «fundamentais».
De feito Juan Carlos García xa manifestou públicamente que se chega á alcaldía a vindeira será «a lexislatura dos máis vulnerables, os nenos e os maiores».
Centro de Día e Centro da Información á Muller
Nesta xuntanza, García falou sobre o proxecto dun Centro de Día ou Fogar residencial, a necesidade de aumentar as prazas de gardería e tamén do número de horas do Servizo de Axuda no Fogar(SAF).
Outras das medidas plantexadas polo candidato popular é a creación dun fondo social de vivendas mediante a rehabilitación das «antigas vivendas dos mestres» e a implantación dun Centro de Información á Muller(CIM).
Juan Carlos García expresou a súa «satisfacción» porque «todas as nosas propostas son posibles de executar e encontran encaixe na axenda de traballo da consellería de Política Social, cunha conselleira que amosou unha receptividade total».
Nota do Partido Popular de Coristanco
