Este sábado no aparcamento de Carrefour, a Festa da Familia de Coristanco. No seguinte audio podes escoitar a entrevista de Manuel Mayo en Radio Xallas, a partir do minuto 37.
Este vindeiro sábado 15 o aparcamento do centro comercial Carrefour de Coristanco converterase nunha familia formada por centos de persoas que se unirán nunha completa festa.
Moita parte da culpa tena o párroco Manuel Mayo Romarís, que atende a cinco parroquias do concello, pero non para. “Queremos facer unha festa para as familias e para valorar o papel da muller que traballa e sacan as súas familias adiante” afirma.
Recoñece que a idea inicial era un evento máis modesto pero a cousa foi adquirindo dimensións máis grandes e xa hai un espazo preparado para un milleiro de persoas sentadas.”Que sexa o que Deus queira” asegura este cura novo que quere tamén que a actividades sirva para promover o concello de Coristanco.
Misa no Corpiño de Oca, xantar e música con Trovadores e Israel
Ás 13;00h haberá unha misa con procesión no santuario da Virxe do Corpiño de Oca.”Pediremos saúde e unión nas familias” explica Mayo que informa que os produtos gastronómicos que se poderán mercar na zona de celebración, (pulpo, mexillóns e churrasco) teñen prezos populares para que poida asistir todo o que queira.
Haberá xantar e ceas, xogos para os pequenos e unha sesión de fogos de artificio. E como indica Mayo “será unha boa ocasión para ver a dúas fantásticas orquestras”. Efectivamente, Los Trovadores e Israel conforman a oferta musical.O activo párroco agradece o apoio das 320 casas comerciais que apoian a “Festa da Familia”.
