A visita que realizou o delegado territorial da Xunta, Ovidio Rodeiro, a Cee e onde falou das axudas de máis de 681.000 euros para trece proxectos do Plan Leader en Bergantiños e Costa da Morte, provocou as críticas do presidente do GDR Costa da Morte e alcalde de Zas, Manuel Muíño, que criticou a “política do propaganda do PP” exemplificada na actitude de Rodeiro de “vender aquí as axudas do GDR, coma se tivese algo que ver a Xunta que ou único que fai é pagar”.
Muíño precisou que“ eu son presidente e nunca vendín politicamente esas axudas”, explicando que “os proxectos que cumpren os requisitos subvencionánse”. O presidente do G.D. R. Costa da Morte pediu ”un pouco de respecto” á Xunta porque “é a primeira vez nestes dez anos que ocorre algo similar, xa que a ninguén se lle ocorre utilizar politicamente este tipo de axudas”.
Nunha entrevista no programa “Na Encrucillada” de Radio Xallas, Manuel Muíño engadiu:”Non di que nos xuntaron ós dous GDR e non duplicaron os fondos que tiñamos. Somos o segundo grupo en territorio pero non temos o dobre de fondos” .
