3.6 C
Santa Comba
domingo, febrero 5, 2023

En Zas critican o retraso na resolución dos expedientes de valoración de dependencia

O Concello de Zas critica o retraso da Xunta de Galicia en resolver os expedientes de valoración de dependencia. O alcalde Manuel Muíño criticou a situación actual: “A lista de agarda que hai hoxe no Concello de Zas en dependencia é provocada pola Xunta de Galicia xa que concede horas aos dependentes, pero non aumenta as horas que ten asignadas ao concello para que este poida prestarllas a eses dependentes. Confundindo deste xeito aos usuarios, que  pensan que xa poden desfrutar desas horas porque teñen aprobada a súa prestación”.

O rexedor puxo como exemplo o caso de tres veciños que levan agardando máis de oito meses pola valoración e a posterior resolución, cando o prazo máximo estipúlase en seis meses.

“Non poden pasar máis de seis meses desde que un veciño ou veciña solicita a dependencia ata que a Xunta de Galicia lle asigne, sempre que proceza, a asistencia. É dicir, como máximo en seis meses o dependente ten que dispoñer do servizo polo que nestes tres casos de Zas a Xunta de Galicia está incumprindo a lei” manifestou Muíño Espasandín.

Deficiente xestión do Servizo de Axuda no Fogar

As críticas desde o goberno local tamén se estenden a “deficiente xestión” da Xunta no Servizo de Axuda no Fogar (SAF), “xa que o número de horas que ten asignadas o Concello de Zas son insuficientes para atender a todas as persoas dependentes que xa teñen aprobadas as prestacións”.

Desde o concello de Zas informan que o número de usuarios/as medrou de forma significativa nos últimos anos, “e aínda que no último ano o número de horas para a dependencia aumentou no Concello de Zas nun 51%, as case 27.000 horas das que dispoñemos non cobren todas as prestacións aprobadas”. 

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
1,020SuscriptoresSuscribirte

Últimos artigos