Foto- Adiante Vimianzo(Facebook)- Esta mesma fin de semana na que os concelleiros Fernando Mancebo e María Xosé Ramos anunciaban a súa dimisión con críticas ao alcalde, o grupo de Adiante Vimianzo daba a coñecer a súa candidatura que volverá a estar encabezada polo alcalde Manuel Antelo Pazos. No segundo posto está Marta Rey que nos anteriores comicios figuraba na quinta posición. Na listaxe tampouco figura a actual concelleira Élida Pequeño.
A candidatura de Adiante Vimianzo
1- Manuel Antelo Pazos (Vimianzo)
2- Marta Rey Lema (A Piroga-Bamiro)
3- Uxío Vidal Quintáns (Baíñas)
4- María Jesús Barbeira Pose (Salto)
5- Francisco Trillo Pazos(Carnés)
6- José Antonio Vidal Mira(Pasarela)
7- Adela Rodríguez Costa (Berdoias)
8- Jaime Blanco Roget(Cambeda)
9- Estephanie Castro Oanes (Carantoña)
10- Manuel Lorenzo Hermida(Serramo)
11- Vanesa Pazos Touriñán(Carnés)
12- Francisco Javier García Pouso(Baíñas)
13- Ana María Pastoriza Antelo (Bamiro)
O obxectivo de Adiante Vimianzo é “manter o goberno de Vimianzo” e para iso aseguran que son conscientes da “necesidade de acadar a maioría absoluta de votos” o vindeiro 26 de maio.
“Nestes momentos somos un referente comarcal en moitas cousas, e non podemos retroceder, senón seguir avanzando” afirmou Manuel Antelo asegurando que “Somos un grupo, somos un proxecto, e as persoas estamos ao servizo deles, non ao revés”
