A alcaldesa de Santa Comba, María Pose, estivo Na Encrucillada.»O que queira traballar por Santa Comba ten un sitio no PP”.
A alcaldesa de Santa Comba, María Pose, foi a primeira convidada no espazo radiofónico «Na Encrucillada» de Radio Xallas, que iniciou a súa nova andaina no 107.5FM este martes. Asegurou que a radio «é unha valiosa ferramenta» para cumprir unha importante función social» e proxectar Santa Comba a nivel comarcal.“Santa Comba, é a capital comarcal da comunicación» manifestou.
A nivel político afirmou que lidera un partido que é «un equipo unido e sólido pero tamén aberto e coa vocación de sumar. O que queira traballar por Santa Comba ten un sitio no PP” dixo María Pose que se definiu como «unha veciña de Santa Comba, comprometida co meu concello e chea de ilusión e proxectos» que non vai «a escamitar nin traballos nin adicación polos meus veciños».
Escoita o programa
O momento do salto de Santa Comba
Fixo un repaso a distintas actuacións do seu goberno en materia de servizos sociais, deporte, formación ou en infraestruturas, sen esquecer «a importante baixada» do IBI: “Estou contenta co traballo feito pero son inconformista e penso que despois de solucionar problemas básicos é o momento de que Santa Comba dea un salto. Imos a traballar ata o ultimo día preparándonos para o futuro. Temos inversións aprobadas para adxudicar valoradas nun millón e medio de euros.Imos a presentar próximamente un proxecto moi ambicioso que espero lles guste aos nosos veciños».
Tamén se referiu ao pleno dos orzamentos que se celebra este mércores. Entende que é «fundamental a aprobación dusn orzamentos a principio de exercicio e este ano o conseguimos». Para Pose as contas son «ambiciosas e ao mesmo tempo realistas» e fixéronse «pensando no futuro de Santa Comba e no benestar dos nosos veciños».
