Abraham Gerpe valora o anuncio de Verónica Facal que adiantou Adiante Galicia.
O alcalde de Coristanco, Abraham Gerpe, asegura “entender perfectamente” a decisión adoptada pola concelleira non adscrita Verónica Facal tendo en conta a situación que existe na política local xa que “hai partidos que en vez de buscar o voto dos veciños queren que abandonemos todos por aburrimento e chegar ao poder ao presentarse eles sós”.
O rexedor “respecta e comparte” a marcha de Facal, e se ten decidido presentarse “e por darlle continuidade a un traballo que levamos feito”.
Oposición destrutiva que afecta ao ámbito persoal
Gerpe refírese a outras renuncias como a de Emilio Fondo, nunha situación que cualifica de “terrible” e que se deben a un “sentimento xeneralizado” que hai na sociedade coristanquesa.“Ninguén quere seguir porque hai partidos que se encargan de realizar unha oposición destrutiva que chega ata o insulto e ao ámbito persoal”.
O alcalde conclúe:“Con esta situación non me estrañaría que houbera máis xente que optase por non presentarse porque a vida política de Coristanco converteuse nun inferno”.
