12.8 C
Santa Comba
viernes, junio 14, 2024

Nadal 2018 no concello da Laracha

Con motivo da celebración das festas do Nadal, o Concello da Laracha organiza, como cada ano, o seu programa de actividades específico para estas datas por medio do que se pretenden alcanzar varios obxectivos diferentes e complementarios: fomentar o espírito do Nadal entre a poboación do municipio, ofrecer propostas de ocio -especialmente dirixidas aos nenos para axudar á conciliación das súas familias- e apoiar economicamente tanto ao comercio local como ás asociacións culturais e coros parroquiais por medio dos certames de escaparates e de panxoliñas.

Nesta completa programación municipal inclúense propostas para case todos os días laborables, salientando a presenza dos tradicionais concursos, obradoiros infantís, espectáculos teatrais, sesións de cine e a cabalgata dos Reis Magos.

Onte venres xa se desenvolveu o primeiro evento coa cualificación dos concursos de postais e de contos. A entrega dos premios será o próximo venres a partir das 18:00 horas nun acto público que se celebrará Casa da Cultura. 

Os outros certames de Nadal son o concurso de panxoliñas “María Angeriz Tuset” programado para o domingo 30 a partir das 18:00 horas na Casa da Cultura, e o concurso de escaparates, no que a valoración do xurado será na tarde do xoves día 27 de decembro. Neste último caso o prazo de inscrición remata este martes.

O luns, martes e mércores da próxima semana, a última nos centros de ensino antes das vacacións, celebrarase o festival de teatro infantil en horario lectivo e coa asistencia dos alumnos dos colexios. Nos tres días agárdase a visita de Papá Noel, que ao remate dos espectáculos daralles un agasallo aos nenos.

Despois da boa acollida en pasadas edicións, volveranse realizar obradoiros infantís de cupcakes e galletas de Nadal. Será os días 27 de decembro (alumnos de infantil) e 2 e 3 de xaneiro (alumnos de primaria) na Casa da Cultura da Laracha. As prazas son limitadas e outorgaranse por orde de inscrición, que é gratuíta.

Os espectáculos en directo tamén terán protagonismo na programación, coas seguintes propostas:

– 21 de decembro, 18:00 h, Biblioteca da Laracha. Espectáculo para bebés de 0 a 3 anos de idade: Paxariños de Trinketrinke Teatro.
– 27 de decembro, 17:30 h, Casa da Cultura. Teatro para todos os públicos: O cardume de Xarope Tulú
– Xoves 3 de xaneiro, 12:00 h, Casa da Cultura. Espectáculo infantil: Puño, puñete de Baobab Teatro.
– Xoves 3 de xaneiro, 17:30 h, Centro sociocultural de Paiosaco. Teatro infantil: O soño dos contos de Xoré Teatro.

Tamén están programadas as proxeccións dos seguintes filmes, sempre desde as 17:30 horas:

– 26 de decembro, Casa da Cultura da Laracha: Peter Rabbit.
– 28 de decembro, Centro sociocultural de Paiosaco: El bosque animado.
– 2 de xaneiro, Casa da Cultura: Gru 3: Mi villano favorito.
– 4 de xaneiro, Casa da Cultura: Mi amigo el gigante.

O torneo de baloncesto “José Antonio Vega” alcanza neste ano a oitava edición coa presenza de equipos de categorías de base que chegarán desde diferentes localidades galegas. Desenvolverase o sábado 29 de decembro nos pavillóns polideportivos municipais.

A cabalgata dos Reis Magos pechará as festas do Nadal e tamén o programa de actividades do Concello o sábado 5 de xaneiro. A saída da praza do Concello está prevista para as 16:30 horas. Chegarase a Caión ás 17:30 e realizarase un encontro cos nenos no porto. A seguinte parada, no campo da feira de Paiosaco, estímase que será ás 18:30. Na Laracha, tras facer un percorrido polas rúas da capital municipal, chegarán ao pavillón do IES Agra de Leborís ás 19:30 horas. Nese lugar os nenos están convidados a agardar polas Súas Maxestades os Reis Magos desde as 17:00 participando nunha gran Festa Infantil. Os nenos de 7 a 11 anos de idade que desexen acudir como paxes poden solicitalo no Concello antes do día 3, cando se fará o sorteo.

Fonte – Nota de prensa do concello da Laracha

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos