VÍDEO NO INTERIOR//David Barbeira convida a PP, Terra Galega e PSOE a apoiar esta petición para trasladar á Xunta de Galicia.
O candidato á alcaldía de Santa Comba por Compromiso por Galicia, David Barbeira, informou que despois de visitar varias parroquias xalleiras, xuntaron un milleiro de sinaturas de veciños que apoian a petición dun Centro de Día público “con opción de residencia e de cortas estancias”.
Barbeira García asegura sentirse “orgulloso” co traballo que se está a realizar “indo por casa para informar ós veciños e recoller firmas de apoio”, pero tamén coa resposta popular que se está conseguindo.
O líder local de Compromiso anuncia que “loitaremos e solicitaremos” o Centro de Día de Santa Comba diante da Xunta de Galicia, e aínda que son conscientes de que non é unha competencia local si queren que tanto goberno como oposición apoien esta esta petición xa que “si todos nos xuntamos, poderemos conseguir que o centro de día sexa unha realidade”.
