Juan Blanco:”Foron tres anos de esforzo que ao final deron os seus froitos”
O pleno da Deputación aprobou hoxe un investimento duns 450.000 euros para a execución dos proxectos de sendas peonís entre Insua e A Picota e desde Sanfoga a Ponteolveira.
O alcalde Juan Blanco non ocultaba a súa satisfacción porque se concretaran estas importantes actuacións e afirmou que “foron tres anos de esforzo que ao final deron os seus froitos”.
O rexedor tivo palabras de agradecemento para José Manuel Pequeño Castro(PSOE), deputado de Vías e Obras e para a deputada Ánxela Franco(BNG) “que traballou man a man co concello para conseguir este proxecto”.
Nota do PSOE de Mazaricos
Tamén valorou este investimento o portavoz do PSOE local, Francisco Javier González Trillo que asegurou que estas infraestruturas débense “ás conversas impulsadas desde o PSdeG de Mazaricos” e os empresarios locais “xa co anterior presidente Fernández Moreda” e que tiveron continuidade nesta lexislatura.
Nun comunicado de prensa, González Trillo criticou ao alcalde que “súbese ao carro cando se decata a través da información que lle proporciona o ente provincial”.
