Ardeu parte do teito e morreron tres galiñas.
Bombeiros da Costa da Morte e efectivos de Protección Civil de Muxía tiveron que intervir nun operativo para sofocar un incendio nun alpendre do lugar de Guisamonde, no concello de Muxía, onde había palla, distintos materiais e varios animais. Salváronse as ovellas pero non tres galiñas que había dentro dunha xaula.
A incidencia tivo lugar ás 19:15 deste pasado martes.Un particular foi o que deu a voz de alerta. Os bombeiros informaron que ardeu parte do teito do alpendre. Todo parece indicar que a orixe do incendio puido estar na cheminea.
Fotos- Protección Civil de Muxía