A Xunta de Galicia achega 115.600 euros á CMAT a través dun convenio asinado recentemente pola xefa provincial de turismo, Camino Triguero, e o presidente da CMAT, Juan Blanco.
Será a través de dúas aportacións de 57.800 euros, unha para cada anualidade (2018 e 2019) que permitirán financiar distintas iniciativas dentro dun convenio que ten un orzamento de 150.000 euros e que pretende “establecer as bases da colaboración técnica e económica entre a Axencia Turismo de Galicia e a CMAT para a subvención de actividades relacionadas coa promoción, dinamización e fomento do turismo no xeodestino Costa da Morte”.
Xeodestino Costa da Morte
Desde a CMAT agradecen a axuda de Turismo de Galicia. Segundo esta entidade neste primeiro ano estase a deseñar un plan estratéxico para a Costa da Morte e distintas acciñons de comunicación online e offline do xeodestino.Tamén se traballa en presentacións, asistencia a feiras especializadas, e nas experiencias de Patrimonio e Turismo activo.
Para o 2019 a folla de ruta centrarase nas accións de comunicación e e promoción do xeodestino Costa da Morte,na especialización do destino e de produtos turísticos, actualización e melloras das experiencias de Gastronomía, Patrimonio e Turismo Activo e na coordinación, planificación e seguimento das accións executadas a través do convenio.
